+ Anno Dominice Incarnationis millesimo ducentesimo
septuagesimo quinto, regnante domino nostro Karolo, Dei gratia
invictissimo rege Sicilie, ducatus Apulie, principatus Capue,
Alme Urbis senatore, Andegavie, Provincie et Folcalcherii
comite ac Romani imperii, per Sanctam Romanam Ecclesiam
in Tuscia viccario generali, regni eius anno undecimo feliciter amen.
Mense augusti tertie indictionis, in presentia Nicolai
de Muro regii iudicis Potentie et testium subscriptorum,
nos magister Vitalis fabricator et Mattheus filius meus, una
cum Rosa uxore mea, cives et habitatores Potentie, vendimus
et tradimus tibi Leterio de Troia, civi et habitatori eiusdem
terre Potentie, vineam unam cum terra una vacua
eidem vinee contigua, que fuerunt olim venerabilis patris et
compatris nostri domini Manfredi, quondam cantoris Ecclesie
Potentine, sitam in tenimento Potentie in contrata de
Serra Merdaroli, hiis finibus circumdatam: ab uno latere est
via puplica et tenet Iacobus de Guillelma, a secundo latere
tenet magister Tibaldus, a tertio latere tenet magister Petrus
aurifex et est etiam quedam terra vacua et vinea quas
tenet Robbertus de Laviano. Per quas terram et vineam ipsius
Robberti est introitus et exitus predicte vinee et primo
per quintanam vicinalem, a quarto vero latere tenent Alexander
de Monte Murro et Ogerius Decimanus. Hanc autem
vineam cum predicta terra vacua qualiter est prescriptis
finibus circundata per designata latera quattuor, una cum
omnibus accessionibus et ingressionibus suis, tibi dicto Leterio
de Troia, ut dictum est, vendimus et tradimus. Pro quibus
vinea et terra vacua recepimus a te uncias auri septem
nomine pretii, totum videlicet pretium ipsius vendiltionis.
Renuntiantes exceptioni non numerate pecunie, non electi seu
ponderati auri, beneficio legis ressissore que subvenit deceptis
ultra dimidiam iusti predi et omni alii legum auxilio quo
possemus infringere dictam venditionem. Et si dicta vinea
cum predicta terra aliquo tempore dicto pretio plus valeret,
damus tibi nomine donationis. Quapropter damus et tradimus
tam tibi quam heredibus tuis liberam et omnimodam potestatem
tenendi, possidendi, vendendi, donandi, permutandi
nec non et quocumque modo volueritis alienandi predictam
vineam cum terra predicta. Insuper repromictimus tibi
et heredibus tuis defendere et guarentire contra omnes homines
qui te vel heredes tuos de predicta vinea et terra molestare
vel inquietare temptaverint more iudiciorum. Et si nos
prefati venditores vel nostri heredes vel aliquis per nos vel
nostros heredes contra te vel contra tuos heredes de predicta
vinea et terra venierimus vel eam deinceps vobis calumpniati
fuerimus seu per quodlibet ingenium reppetere vel
subtrahere a vobis quesierimus aut ipsam vineam et terram,
ut dictum est, defendere et guarentire ab omnibus hominibus
noluerimus more iudiciorum debeamus componere augustales
aureos viginti nomine pene, medietatem tibi vel
heredibus tuis et alteram medietatem regali curie, venditione
predicta nichilominus rata perpetuo permanente. Propterea
guadiam tibi dedimus et fideiussorem de evictione
posuimus, magistrum Iohannem medicum de Accareno, civem
Potentie. Et ad maiorem cautelam ego predicta Rosa,
uxor predicti magistri Vitalis, presente et consendente prenominato
Mattheo filio nostro, iuravi ad Sancta Dei Evangelia,
nunquam per me vel per personam suppositam contra
predictam venditionem venire, set eam ratam et illibatam
perpetuo custodire. Et taliter ego Iacobus Cumbus, pupplicus
civitatis Potentie notarius, hoc presens instrumentum
venditionis de mandato supradictorum contrahentium scripsi
quia interfui et meo signo signavi.
